هو احنا ليه بنحب الكارتون لما نكبر اوى كده

         
سؤال جه على بالى لما لقيتنى كل شوية بقلب ف قنوات الكارتون عشان اشوف اى حلقة لتومن جيرى ( توم وجيرى بس كنت مسمياهم كده انا واختى)
اشمعنى يعنى بحس انى مشدودة اوى للى بيحصل وبفقد تركيزى مع اى حاجة غير فيلم الكارتون اللى شغال 
السؤال ده له كام اجابة كده من وجهة نظرى


 1- عاوزين نهرب م اللى بيحصل حوالينا وعايشينه ف خمس دقايق بنسرح فيهم مع محتوى حلقة الكارتون

2- حبنا للفرجة على التفاصيل الصغنونة اللى كانت ف لبسهم وتعبيرات وشهم وبيوتهم والالوان الحلوة

3- ساعات بتبقى حابب حلقة معينة عن غيرها عشان بتفكرك بلحظة معينة عشتها وانت صغير سواء بقى كنت هربان م المذاكرة بتاعتك ولا واخد اذن خمس دقايق تريح وترجع للحفظ تانى وهكذا يعنى

4- بتوحشنا لحظات كنا فيها عيال مش شايلين هم حاجة ولا بنحسب لبكرة وساعتها كانت ضحكتنا رايقة وبجد من جوه القلب

يمكن ف اسباب اكتر من كده بس دول نبذة كده
بس مهما حاولنا نبرر لنفسنا هايبقى ف سبب غامض لحبنا للكارتون لا عرفناه ولا هانعرف نعرفه ههههههههههههه
وبس خلاص اروح ادور انا بقى ع فيلم كارتون اشوفه