بطلى قلق

الخوف  والقلق من اللى جاى طبيعى جدا ع فكرة
بس مايوصلش انه يضيع فرحتك بحاجة حلوة

وكل مرحلة وليها الرهبة بتاعتها ولحظات قلق مالهاش اول من اخر لحد ما تخلص اللحظة دى ع خير
طب فاكرة اول مرة دخلتى مدرستك الثانوى؟؟
اول مرة تدخلى لجنة الامتحانات وخوفك م بعبع الثانوية والمذبحة اللى بتحصل ف الامتحان؟؟
فاكرة يوم ما استنيتى النتيجة؟؟
فاكرة لحظة ما حددتى الكلية بتاعتك؟؟
ولحظة دخولك المدرج وقعدتك وسط بشر ما تعرفيش حد فيهم ؟؟
ولما جيتى تتخرجى وتدورى ع شغل؟؟
طب لما اشتغلتى وكنتى مرعوبة عشان خايفة تعملى حاجة غلط ؟؟

عادى اللى بيحصل جواكى وبيدور ف دماغك صدقينى
اللى مش عادى بقى انه يمحى لحظة لهفتك وانتظارك لكل حاجة حلوة جديدة عشان هى غريبة عنك ومش متعودة عليها

ماتخليش خوفك يوقفك
استمتعى بكل لحظة
حلوها ومرها (وان شاء الله كله هايبقى حلو)
بس قولى يااااارب

اهداء لواحدة غالية اوى اوى اوى على قلبى

قصة خطبة

مع اول سطوع لاول شعاع شمس يوم جديد التقط الهاتف ليتصل بها

انها خطيبته اللى لم يمضى على خطبتهما سوى ساعات قليلة

اجابت الهاتف محاولة ان تخفى فرحتها بإيهامه انها كانت فى سبات عميق

سـألته فى حيرة: هل استيقظت للتو؟ ام لم تخلد للنوم من الاساس؟

                                                                                               
  اجابها: حالتى هى حالتك قررى انتى الاجابة

ردت فى حياء غطى على صوتها: اعرف قبل ان أفكر                                           

وسالته : لماذا اتصلت فى مثل هذا الوقت ؟؟

صمت قليلا قبل ان يستجمع قواه ويجاوبها :لم اكن اريد اول شمس تشرق فى سماء حبنا وحياتنا الجديدة المقبلة دون ان اخبرك كم احمد الله على رزقى اياكى ودون ان اقول لكى صباح الخير ياشمس احتل نورها ظلام قلبى ويا قمر اضاء ضياءه طرقات الليل فى احلامى

لم تعثر على كلام او حتى رد بعد ان تعثرت وارتبكت من رقة الكلام وفجأة قالت له:

اذا بحثت لن اجد ما يوازى حقيقة شعورى نحوك سوى كلمة سأظل اكررها لك حتى اجد ما هو اعظم منها يعبر لك عن ما بداخل قلبى

صمتت لوهلة وعلا خفقان قلبها حتى كاد يسمعه من على الهاتف واخيرا قالت: أحبك

 قال لها: اخيرا سأخلد الى النوم حافظا تلك الكلمة فى وجدانى وفى روحى

وراح كليهما فى نوم عميق تغمره ابتسامة بريئة ولم لا فقد تقابلا فى احلامهما كفارس شجاع واميرة
رومانسية تنتظره بلهفة

هو احنا ليه بنحب الكارتون لما نكبر اوى كده

         
سؤال جه على بالى لما لقيتنى كل شوية بقلب ف قنوات الكارتون عشان اشوف اى حلقة لتومن جيرى ( توم وجيرى بس كنت مسمياهم كده انا واختى)
اشمعنى يعنى بحس انى مشدودة اوى للى بيحصل وبفقد تركيزى مع اى حاجة غير فيلم الكارتون اللى شغال 
السؤال ده له كام اجابة كده من وجهة نظرى

المدونة وحشتنى

بقالى كتير اوى مكنتش بكتب
يادوب ابص ع المدونة من بعيد واقول يااااااااااااااااااه
كنت صغيرة اوى وانا بكتب الكلام ده :)

مرة واحدة طلعت ف دماغى افتحها تانى اشوف فاكرة كلمة السر ولا نسيتها وساعتها يبقى شقـــــــــــــــــى عمرى ضاااااع

لقيتنى فاكراها ^_^
قلت ف عقل بالى طب ليه لا يلا نتوكل ع الله ونجرب

وهجرب ومش هارجع اكسل تااانى

بسم الله بقى وربنا يكرم بأى جديد