صدفة

فرقتنا الدنيا مرة وكتب لينا القدر نتلاقى

ثوانى الفراق كانت مرة وعيونى كانت ليك مشتاقة

واخيرا جت الفرصة اشوفك ثانية اخيرة

ثانية اودع احلامى وانسى انى كنت اسيرة

ولازم قلبى ينسى لحظة لقاك انت مين

عشان بعد النهاردة هاتبعدنا السنين

لازم انسى يوم ما شفتك قد ايه حبيت حياتى

وانت الوحيد اللى يومها قدرت تفهم سكاتى

احلام واوهام عشت فيها ولازم افوق

وزى ماحبى شمسه غابت اكيد يوم هايبقلها شروق

صدفة تجمع القلوب وصدفة تفرقها

هى دى الدنيا هانعيشها ونصدقها

وهم من طرف واحد

ياترى انا على باله ولا مش حاسس بيا

بستنى عنى سؤاله وكلمة تنور لياليا

بقالى كتير عايشه فحلم وهاموت لو محصلش بجد

ياخوفى ده يطلع وهم وقلبه يكون مع اى حد

من طرف واحد عذاب حبى يعنى هو ولا دارى

قالولى كتير ارحم قلبى وكفايه عليه نارى

سألونى ايه خلاكى تحبيه

وطول العمر ممكن تستنيه

قلت حلمت بيه

الحب المستحيل

اعرف ان حبنا مستحيل وقلبك لن يكون ملكى

ولكن فى بعدك ذقت الويل ولنفسى عنك دوما احكى

يكفينى رؤياك كل لحظة سعيدا حتى ولو كنت عن حياتى بعيدا

واذا كان هواك ليس نصيبى وداعا يا من كنت حبيبى