ناس كتير فاكرة ان البنت كائن معقد وعاوز طلاسم وكتب عشان نفهمه
بس العكس هو الصحيح وعشان تفهم البنت فى الحب وتكسب قلبها ويفضل الحب بينكم مستمر لو كانت زوجتك او خطيبتك
خلى بالك م الكام نقطة الجايين دول .......
1) خاف ربنا فيها وعاملها بما يرضى الله وخلى حبك ليها حاجة تاخد بيها حسنات عند ربنا لاتعصيه ولا تعمل اللى يغضبه وقربوا من ربنا سوا
2) ف حاجة مهمة اوى اياك والاستهانة بمشاعرها لما تشوف دموعها وقت ما تتأثر بفيلم او لما تضحك من قلبها على حاجة بسيطة حصلت وانت شايفها تافهة
3) اوعى برضو تقلل من أى حاجة عملتها او بتعملها او حتى يا سيدى ناوية تعملها
4) أعرف هواياتها وشجعها وخليها تحس انك جنبها فى اللى بتحب تعمله
5) نسبة مش قليلة من البنات بتفضل فاكرة أول مرة اتقابلوا ، أول مرة سمعت منه كلمة بحبك تتجوزينى ؟ ، واليوم اللى نزلوا اشتروا فيه الدبل سوا .... انا مش بقولك خلى عقلك دفتر بس ع قد ماتقدر حاول تبقى فاكر عشان دى تواريخ مهمة اوى ف حياتها
6) كلنا عارفين ان دلوقتى غير زمان من ناحية استقلال البنت ، يعنى البنت دلوقتى بتشتغل وبتاخد كورسات ومشتركة ف مكتبة او اى نشاط تانى ، القصد بقى من ده كله انك تديها مساحة لنفسها لخروجاتها مع صحابها وعيلتها ماتغيرش اللى هى اتعودت عليه طالما هو صح
7) خوفك على اللى بتحبها بيخليك تصدر اوامر وفرمانات حفاظا عليها حسسها بخوفك ده عشان تسمع الكلام ماتخليش اوامرك تتحس كأنك بتعاقبها او بتعيد تأهيلها من جديد
8) وقت ما تلاقيها بتكلمك فى موضوع بجد أبعد عن الهزار والنكت خالص عشان ماتبطلش تفضفض معاك وتاخد رأى حد من زميلاتها مثلا
9) ممكن تكون مش موسوعة ولا عارفة كل حاجة زيك لأن طبيعة تربية البنت مقفولة شوية عن الولد يبقى بالراحة تفهمها
يعنى مثلا : ماتعرفش اسماء شوارع معينة ولا تعرف ف ماركات العربيات ولا بتفهم ف الكورة
التفاهم واحدة واحدة وبعدها هاتبقى قادرة تناقشك ف كل حاجة ولا اجدعها محاور تلفزيونى كمان
10) من وقت للتانى فاجأها بكلمة _بحبك_ وسط الكلام صدقنى ملامحها هاتتغير فجأة وتشوف أحلى ابتسامة ف عمرك
أخيرا بقى وليس اخرا احلموا بحياتكم الجاية سوا وخططوا لبكرة وخدوا راى بعض ف كل حاجة وارسموا طريقكم الجاى عشان بكرة وانتوا سوا ومتفاهمين احلى بكتير ♥♥
ليست هناك تعليقات :
إرسال تعليق